| 我今年既暑假過剩最後三個幾星期喇 話咁快就放左差唔多四個月既假 叫做好悠閒咁過呢四個月 乜壓力都冇, 遊手好閒咁...唯一有d擔心家陣hea成咁番到美國會唔會唔記得點讀書... 去左兩次旅行囉...錢就使左好多, 又唔見搵番番來(有一個學生咁大把, 搵得雞碎咁多) 不過都好既悠閒下...皆因下個暑假如果好彩既話搵到internship就一定冇假放...再下個暑假應該就係畢業既日子, 又即係等如搵工既時間, 仲邊會有假放... 唔知呢...其實我真係冇話好似其他去左美國讀書既人咁番左香港一排會好排住美國既生活...講真我係一丁點掛住都冇, 仲唔係好想番番去添. 香港真係實在太好...交通方便又多好野食, 而我又有屋企人又有好朋友係度...又或者咁講...如果係英國唔係美國我都可能會掛住下既...我去左美國成年都仲係咁憎美國果d大美國佬主義, 對美國人一d好感都冇...如果唔係為左個學位我真係未必會想踏足美國呢塊土地囉. 可能講得誇張d啦, 但我真係對呢個地方冇乜話特別留戀囉. 再加上死人聯合航空攪到我煩機票煩左好耐(而家仲煩緊, 又唔見其他航空分司係咁??!!), 我對美國呢個地方到呢一刻都冇咩特別好感, 莫講話留戀啦. 不過咁, 我好慶幸自已有機會出國讀自已鍾意既野...尤其讀左一年我真係覺得我冇揀錯呢一科...讀得真係開心同有滿足感, 尤其幫到人既滿足感真係好大好大!! 而我好好彩遇到既大部份人都對我好好(咁本身同呢科既nature都有好大關係既), 令我係過去既一年裡面不至於思鄉至死. 來緊semester非常"杰"因為我發左神經咁take左17個credits, 3個Grad Courses 4個Undergrad Courses, 其中仲有兩科practicum...真係幾大wok...(D人通常一個semester take 3-4個courses, 而我係year one first semester己經嘗試過7科一齊take既滋味...果次仲要全部都係Undergrad Courses ja wor..上個semester take一個practicum course己經多野做到ai晒救命...HAHA what a big challenge lying ahead!) 不過唔take又唔使旨意準時畢到業你話死唔死. 點都好啦, 又係時候執包袱準備新一個學期既開始喇...條路自已揀既, 幾唔捨得幾辛苦都要繼續向目標進發!! P.S.:
1) 唔知點解有d人係我上次番來同今次呢四個月假約極食飯都約唔到...果d人見字唔該自動投案! You know who you are...
2) 約左活動未約日子既朋友仔唔該快d約實日子...現在距離我離港既日子唔係好遠架咋 (我應該係九月一號走)
3) 我臨走前想做既野: 唱K, BBQ, 去海灘玩, 韓燒, 食日本野, 飲茶, 打牌...(Subject to add) 唉...見到個GIP就想嘔...又要執行李...兩個GIP有一個大部份都係食得既野, 可想而知美國d野幾難食啦. 諗起都覺得慘.. |
Occupation: 
...仲有呢度果canteen有一種神奇既威力可以令到食野呢種咁開心咁易令我滿足既事變得厭惡同沈悶 
